Thursday, March 14, 2019

ഉത്സവച്ചിത്രം

ഒരിക്കലും മാറ്റി വരയ്ക്കാനാവാത്ത 
ഉത്സവച്ചിത്രം പോലെയാണ് ഓർമ്മകൾ
കറുത്ത സത്യങ്ങളെ നെറ്റിപ്പട്ടമണിയിച്ച്‌
തിടമ്പേറ്റി നിർത്തുന്ന കാലം
തീരാത്ത മത്സരങ്ങളുടെ കുടമാറ്റങ്ങൾ 
സ്നേഹത്തിന്റെ വെൺചാമരങ്ങൾ
സ്വപ്നങ്ങൾ പീലി വിടർത്തുന്ന ആലവട്ടങ്ങൾ
ഒരു കൈ ചെണ്ടയിലും ഒരു കൈ വായുവിലും നിർത്തുന്ന 
ആവേശത്തിന്റെ സന്തുലനങ്ങൾ
നിലയ്ക്കാത്ത കെട്ടു കാഴ്ചകൾ
അലിഞ്ഞു തീരാത്ത മധുരക്കൂമ്പാരങ്ങൾ

Read more...

കവിതയും ഞാനും

പ്രണയമെന്നും നിന്നോടായിരുന്നു
നാല്ക്കവലകളിൽ വഴി പിരിഞ്ഞിട്ടും
പിന്നേയും കൂട്ടു വന്നവനോട്
കാറ്റിൽ മുല്ലപ്പൂ മണമായ് തീർന്നവനോട്
നിറങ്ങൾ കൊണ്ട് മഴവില്ല് തീർത്തവനോട്
ഉത്സവത്തിരക്കിൽ കൈവിടാത്തവനോട്
കറുപ്പിനെ അക്ഷരങ്ങളാക്കിയവനോട്
പെരുമഴയിൽ കൂടെ നനയാനിറങ്ങിയവനോട്
പുളിയിലയുടെ തണലൊരുക്കിയവനോട്
മുഖം ചുളിക്കാത്ത കേൾവിക്കാരനോട്
കഥ പറഞ്ഞ് തോളിലുറക്കിയവനോട്
പ്രണയമെന്നും നിന്നോടായിരുന്നു
പതിറ്റാണ്ടുകൾ കൂടെ നടന്ന്
കവിതയായി തീർന്നവനോട്

Read more...

Wednesday, December 26, 2018

ഒടുവിൽ

ഒടുവിലാണറിഞ്ഞത്,
ഒരു അർദ്ധവിരാമം കൊണ്ടോ 
പൂർണ്ണവിരാമം കൊണ്ടോ അവസാനിപ്പിക്കാവുന്ന
തുടർബിന്ദുക്കളിൽ ഒന്നു മാത്രമാണ് ഞാനെന്ന്.
ഒരിക്കലും ഒരു വാക്കായി പരിണമിക്കാതെ,
ഒരു നീർത്തുള്ളിയാൽ മാഞ്ഞു പോകുന്നതും
ഒരു നിഴലിനാൽ മറഞ്ഞു പോകുന്നതും
ഞാൻ മാത്രമായിരുന്നുവെന്ന്.

Read more...

വേരുകൾ

ചില മരങ്ങൾക്ക്, 
ചുറ്റും പരന്ന് കിടക്കുന്ന വേരുകളുണ്ട്
തായ് വേരറുത്തു എന്ന് ആശ്വസിച്ചാലും
എവിടെനിന്നെങ്കിലും ഒരില മുളച്ചുപൊങ്ങും,
മണ്ണുമൂടിക്കിടക്കുന്ന വേരുകൾ 
ചോരയൊലിപ്പിക്കും,
ഇനിയൊരിക്കലും മരമായിത്തീരാതെ,
തളിരുകൾ മണ്ണിൽ മുരടിച്ച് നില്ക്കും

Read more...

എത്രയായാലും

എത്ര ശാന്തമായി 
പച്ചപ്പട്ടണിയിച്ചു കടന്നു പോയാലും 
ഒരിക്കൽ, പുഴ ആർത്തലച്ച് 
തീരങ്ങളെ കവർന്നെടുത്ത് പോകുക തന്നെ ചെയ്യും 
എത്ര രഹസ്യങ്ങൾ ഉള്ളിലൊതുക്കിയാലും
കടൽ, ഒരിക്കലതിന്റെ അവശിഷ്ടങ്ങൾ 
കരയിലെത്തിക്കുക തന്നെ ചെയ്യും
മഴവില്ലുകളാൽ എത്ര വിസ്മയിപ്പിച്ചാലും ഒരിക്കൽ, 
മേഘങ്ങൾ മിന്നൽ കൊണ്ട് ഭൂമിയെ പൊള്ളിക്കുക തന്നെ ചെയ്യും

Read more...

  © Free Blogger Templates Blogger Theme by Ourblogtemplates.com 2008

Back to TOP